kusabab mulai tahun 90-an aya tivi sawasta, ercetei, tepei, jeung esceteve, ditambah aya deui nu arana vicidi, atuh nu lalajo film dicikampek teh jiga na ngurangan, eta weh, mimitina satudio teh nu di puter film esek-esek, artisna sally marcelina, kiki fatmala, jrr. eta deui eta deui nu di puter teh, akhirna mah, nulalajo teh bosen jigana da filem na teu baraleg, geus kitu jigana loba teuing pake mesum eta satudio teh, sabab nu lalajo teh lain hayang ningali filem tapi nyabakan nu lalajo filem gigireunana, ditambah beuki kalotor, maenya pas lalajo filem james blo'on, aya beurit santung sagala ngilu lalajo, korsina mulai rareod, palapona laleupas, filemna barutur akhirrna mah eta satudio jeung palasa jeung merdeka teh euweuh nu ngalalajoan, krut-krut weh bangkrut , satudio dijeiun lapang batminton jeung resepsi tapi teu lila, terusna mah bejana rek di jieun swalayan, merdeka dirubuhkeun tinggal ngarungkunuk taneuh tempat ngamgon embe jeung hayam, di pager ku seng butut, palasa disulap jadi pertokoan, nu ngajual baju jeung rental pe'es, ditambah ayeuna geus ngajegir hareupeun palasa teh jembatan nu kacida panjangna nu disebut jembatan layang, ngan nu rada aneh teh, ari jembatana mah biasana paragi liwat mobil jeung kendaraan lain,
ieu mah mun peuting loba pisan barudak ngora marejeng di luhur jembatan marake motor jeung kabogohna, bari teu eraeun patangkeup-tangkeup malah aya nu ciuman sagala. beda deui mun malem juma'ah nu bobogohan nana saeutik, tapi gelo na teu kira-kira, maenya ngadon ngadu pamatuk di luhur jembatan, bari teu eraeun aya mobil gandengan liwat, mun dihandapna eta mah khusus nu beuki bencong , eta ge bejana, dihandap mah cenah paragi bencong mejeng.
kusabab loba nu bobogohan di luhur jembatan jeung handapeunana, ti saprak harita eta jembatan katelahna"JEMBATAN CINTA", kusabab geus euweuh deui tempat nu ngonah paragi bobogohan di cikampek, kapan ayeuna mah geus teu aneh mun loba jelema atawa barudak ngora bobogohan teh di kamojing, kebon kembang, walahar, situ buleud jeung kota bukit indah, malah kabejakeun di kebon kembang mah aya nu gencet sagala, padahal nu bobogohan mah kabeh ge garencet maenya pajauh-jauh, emang nguseup kudu pajauh-jauh.
kusabab kitu mindeng eta ge satpol pepe ngagerebeg nu bobogohan di kamojing jeung bic mah malah kuat diiber-uber sagala, heeuh da arana budak ngora, majar teh resep cenah bobogohan di uber satpol pepe mah.
ditulis ku mang obed tanggal 29 desember 2009, jam 17.00, di tukangeun Cikampek emol
perum geriya citra persada, dawuan timur, cikampek, nuhun ah
Tidak ada komentar:
Posting Komentar